Featured

First blog post

This is the post excerpt.

Advertisements

This is your very first post. Click the Edit link to modify or delete it, or start a new post. If you like, use this post to tell readers why you started this blog and what you plan to do with it.

post

ତୁମେ ଗଲାପରେ …..

ତୁମ ଗଲାପରେ –
ପ୍ରିୟା …..
ତୁମେ ଚାଲିଗଲା ପରେ
ଅତୀତ ହଜିଲା
ସମୟ ସ୍ରୋତରେ ,
ହୃଦୟ ଜଳୁଛି
ବିରହ ନିଆଁରେ…..

ସରି ସରି ଯାଏ ,
ଜୀବନ ସଳିତା
ବଢିବଢି ଚାଲେ,
ମନତଳ ବ୍ୟଥା…..

ଝୁଣ୍ଟିଝୁଣ୍ଟି ଚାଲେ ,
ଜୀବନର ପଥ
ପଦେପଦେ ହୁଏ ବ୍ୟଥା
ଭାବିଭାବି ତୋ’କଥା…..

ଅନ୍ତରରୁ ସୁରେ
ଲେଖନୀରୁ ଝରେ
ଏଇ ଜୀବନର ଗାଥା…..

– ସନ୍ତୋଷ ପଟ୍ଟନାୟକ, ଗଞ୍ଜାମ

ଆଶିଷ ଦିଅ ଚାଚାଜି ****

“ଆଶିଷ ଦିଅ ଚାଚାଜି”
~~¤~~
ଆମରି ହସ ଚହଟ ଚମ୍ପା
ଭାରତମାଆ ଅଞ୍ଚଳେ,
ମହକାଇ ଦେବୁ ଆମରି ସୁରଭି
ଜ୍ଞାନଲୋକ ଜ୍ୟୋତିବଳେ….

ଏକଥାକୁ ହେଜି ନେହରୁ ଚାଚାଜି
ନିଜ ଜନ୍ମଦିନ ସ୍ମୃତି
ଉତ୍ସର୍ଗୀତ କଲେ ଶିଶୁଙ୍କ ନାମରେ
ଦେଇ ସ୍ନେହାଶିଷ ପ୍ରୀତି…..

ଛୋଟଦେହେ ଭରା ଦିବ୍ୟ ସମ୍ଭାବନା
ଆଜିକେ ବୁଝୁଚି କାଇଁ !
ଖାଦ୍ୟ ବସ୍ତ୍ର ଶିକ୍ଷା ଉତ୍ତମ ଚିକିତ୍ସା
ଅନୁକୂଳ ସ୍ଥିତି ନାଇଁ….

ଶାସକ ବିବେକ ବିକଶିତ ପାଇଁ
ଆଶିଷ ଦିଅ ଚାଚାଜି
ପ୍ରତିଭା ର ପ୍ରଭା ଆଲୋକିତ ହେଉ
ନବୀନ ସୂର୍ଯ୍ୟଟେ ସାଜି…..

✍ସନ୍ତୋଷ ପଟ୍ଟନାୟକ, ଗଞ୍ଜାମ

ସମ୍ପର୍କ ☆☆☆☆☆

ପିଲାଦିନର ସାଙ୍ଗ ସୁଧିର୍ ସହ ଏକ ସୁନ୍ଦର ମୁହୁର୍ତ୍ତ 🤝🤝👍

ଦେହ ଦେଉଳରେ ସମ୍ପର୍କ ଦେବତା
ମନଟା ଅଟେ ପୂଜକ
ସ୍ବଂୟ ଭଗବାନ ଏହି ଡୋରେ ବନ୍ଧା
ଜୀବନେ ଶ୍ରେଷ୍ଠ ସମ୍ପଦ…..

ସମ୍ପର୍କର ମାନ ବୁଝିଥାଉ ମନ
ରହିଲେ’ବି ଯେତେଦୂରେ,
ସ୍ମୃତିନଦୀ ତୀର ଉଛୁଳି ଉଠିବ
ମିଳନର ଜୋଛନାରେ….

କଳିର ପ୍ରଭାବେ ନିଜଲୋକ କେତେ
ଭାବିଥାନ୍ତି ସିନା ପର
ସମ୍ପର୍କର ମାନ ବୁଝିଥିଲେ ମନ
ହସେ ଜୀବନ ସଂସାର …..

✍ସନ୍ତୋଷ ପଟ୍ଟନାୟକ, ବେଗୁନିଆପଡା ବ୍ଳକ୍, ତିରିଡା / ଗଞ୍ଜାମ

ମାଗିବା ସୁଖ ସୌଭାଗ୍ଯ

ଆଲୋକର ପର୍ବ ଆସିଅଛି ଆଜି
ଖୁସିରେ ଅଧୀର ଜନ
ସଂସ୍କୃତିରେ ଭରା ଉତ୍କଳେ ଆମର
ପିତୃଜଙ୍କ ପୂଜ୍ୟ ଦିନ….

ହସିକି ସରବେ ପାଳିବା ମରତେ
ଆଲୋକର ଦିପାଵଳୀ
ସଭିଏଁ ଜାଳିବା ପ୍ରୀତିର ପ୍ରଦୀପ
ସ୍ମୃତିର ଘୃତ୍ୟକୁ ଢାଳି…..

ପରମ୍ପରା ପ୍ରଥା ସଂସ୍କୃତିର ଧାରା
ବିଦାୟୀ ପିତୃଜ ଗଣ
ଆଶ୍ବିନେ ଆସିକି ଦିପାବଳୀ ଦିନେ
କରିବେ ସ୍ବର୍ଗାବତରଣ

ଆତସ ବାଜିର ନାହିଁ ପ୍ରୟୋଜନ
ଭକ୍ତିରେ ଦେବା ବିଦାୟ
ଆଲୋକ ଜାଳିବା ମଙ୍ଗଳ ମନାସୀ
ମାଗିବା ସୁଖ ସୌଭାଗ୍ଯ….

ସ୍ମୃତିର ପ୍ରତୀକ ଆମ ପିତୃଗଣ
ଶୁଭ ଅବସର ଆଜି
କୋଟି ଆଶୀର୍ବାଦ ଭିକ୍ଷିବା ସରବେ
ପିତୃଜଙ୍କ ପଦ ପୂଜି…..

ଯତନେ ଲଗାଅ ବୃକ୍ଷ…..

ପରିବେଶ ଚକ୍ର ହୋଇଛି ବିମୁଖ
ହୃଦୟ ହେଲାଣି ଧନ୍ଦି
ବୈଶାଖୀ ହାଇରେ ମଳୟ ହଜିଛି
ବସନ୍ତେ ବହୁଚି ଝାଞ୍ଜି….

ଉଜୁଡା ଜଙ୍ଗଲ ସଜାଡି ପାରିଲେ
ସୁଧୁରିବ ପରିବେଶ
ବୃକ୍ଷଟା ଜୀବନ ଦିଏ ଅମ୍ଳଜାନ
ଜୀବନେ ଭରଇ ହସ….

ବେଳୁ ସାବଧାନ ହୁଅ ସର୍ବଜନ
ଯତନେ ଲଗାଅ ବୃକ୍ଷ
ଫୁଲ,ଫଳ ଭରି ବୃକ୍ଷ ଦେଲେ ଛାଇ
ଦୁର୍ଲ୍ଲଭ ଜୀବନ ଭୋଗ୍ୟ….

ନହୁଅ କାରଣ ଜାଗ ଜନଗଣ
କରହେ ବୃକ୍ଷରୋପଣ
ପ୍ରକୃତି ହସିବ ଧରା ଝଲସିବ
ଖୁସି ହୋଇବ ଛଗୁଣ…..
【ସନ୍ତୋଷ ପଟ୍ଟନାୟକ】

ତୋ’ବିନା ~ 3

ଜୀବନଠୁ ବେଶୀ ଭଲପାଏ ଆଗୋ
ରୂପବତୀ ପ୍ରିୟତମା,
ଚାନ୍ଦ ପ୍ରାୟ ମୁଖେ ପ୍ରୀତିଝରା ହସ
ନଜର ହଟେନି ଜମା….

ପାଖେ ଥିଲେ ତୁ’ ସାଥି
ମଧୁଝରା ସବୁରାତି
ତୋ’ବିନା ,,,,
ତୁଚ୍ଛ ଲାଗେ ଜହ୍ନରାତି….

ମୋ’ରାଣ ଦେଉଛି ତତେଲୋ ସଜନୀ
ଭାବିବୁନି କେବେ ପର,
ତୁ’ ମୋ,,,,…
ହୃଦୟ ସ୍ପନ୍ଦନ ଜୀବନ ନିଶ୍ବାସ
ତୋ’ବିନା ……
ଅଲୋଡା ଜୀବନ ମୋର….

– ସନ୍ତୋଷ ପଟ୍ଟନାୟକ,ବେଗୁନିଆପଡା ବ୍ଳକ୍ , ତିରିଡା/ ଗଞ୍ଜାମ

ସନ୍ତୋଷେ ସନ୍ତୋଷ ବିଭୁଙ୍କ ଶରଣ ଗଲା ……

ସପନ ସରିଲା ନିଦ ଭାଙ୍ଗିଗଲା ଆକାଶୁ ତାରା ହଜିଲା
ଦିନମଣି ଉଭା ସଙ୍କେତ ଆସିଲା କୁକ୍କୁଟ ରାବ ଶୁଭିଲା ।
ପ୍ରଭୁପଦ ଆଶେ ଜୁଇ,ଚମ୍ପା,ହେନା, ମଧୁ-ମାଳତୀ ବାସିଲା
ଗଭୀର ଗୁମାନେ ଶେଫାଳି ରାଣୀଟା ବୃନ୍ତରୁ ପତିତ ହେଲା ।।

ମାନିବୋଉ ବାସି ପାଇଟିକୁ ସାରି ବଉଳା କ୍ଷୀର ଦୁହିଁଲା
କିଚିରି ମିଚିରି ପକ୍ଷୀ କାକଳିର ମୃଦ୍ୟୁ ଗୁଞ୍ଜରଣ ହେଲା ।
ମଥାନ ଉପରୁ କାକ ରାବ ଶୁଣି କୁନାଟା ନିଦରୁ ଉଠିଲା
ସେ’ମୁଣ୍ଡ ମନ୍ଦିରୁ ଘଣ୍ଟଘଣ୍ଟା ଶବ୍ଦେ ଭଜନ ଗାନ ଶୁଭିଲା ।।

ବିଭୁକୃପା ଧ୍ୟାଇ ଗ୍ରାମ ସୀମନ୍ତିନୀ ସରିତ ତଟେ ଚଳିଲା
ହୁଳହୁଳି ସ୍ବରେ ଦାମୋଦର ଭଜି ମଙ୍ଗଳ କାମନା କଲା
ପୂରୁବ ଦିଗରୁ ସୁରୁଯଙ୍କ ଜ୍ୟୋତି
ଧରଣୀ ବକ୍ଷେ ପଡିଲା
ରାତ୍ରିର କାକର କଅଁଳ ଖରାରେ ହୀରକ ପ୍ରାୟ ଶୋଭିଲା ।।

ଦେଖି ଏ ସୌନ୍ଦର୍ଯ୍ୟ ବିଧିର ବୈଭବ ମନ ପୁଲକିତ ହେଲା

ସମର୍ପଣ ଭାବେ ସନ୍ତୋଷେ ସନ୍ତୋଷ ବିଭୁଙ୍କ ଶରଣ ଗଲା ।।

ସନ୍ତୋଷ ପଟ୍ଟନାୟକ, ଗଞ୍ଜାମ